Kabhi Yaseen o Mubashir Kabhi Taha Likhu Lyrics - Urdu

 

 کبھی یٰسین و مُبَشِّر کبھی طہٰ لکھوں

زندہ جب تک رہوں نعتِ شہِ والا لکھوں

کعبہ قوسین نے حد کھینچ رکھی ہے ورنہ

ذکر معراج کا چھڑ جائے تو کیا کیا لکھوں

وصفِ آئینہ ہیں خود آئینہ گر کی توصیف

 حمد لکھنا ہو تو احمدکا سراپا لکھوں

نعت لکھنے کی تمنا لیے اِس سوچ میں ہُوں

وہ جو ممدوحِ خدا ہے اُسے میں کیا لکھوں

اُن کے دربار سے مل جائے غلامی کی سند

میرے معبود کوئی لفظ تو ایسا لکھوں

سایہ گُستر نہ ہو گر صورتِ ولَّیل وہ زلف

ساری دنیا کو میں تپتا ہوا صحرا لکھوں

یہی حسرت ہے کہ ہر دل میں وہی ہوں اُمیدؔ

اور میں شوق سے ہر دل کو مدینہ لکھوں

شاعر: امید فاضلی

Rukhe Mustafa Ko Dekha Lyrics - Urdu

 

 رُخِ مصطفی ﷺ کو دیکھا تو دِیوں نے جلنا سیکھا

یہ کرم ہے مصطفیﷺ کا شبِ غم نے ڈھلنا سیکھا

یہ زمیں رُکی ہوئی تھی یہ فلک تھما ہوا تھا

چلے جب میرے محمد ﷺ تو جہاں نے چلنا سیکھا

بڑا خوش نصیب ہُوں میں میری خوش نصیبی دیکھو

بڑی کمسنی سے میں نے ہے یہ نعت پڑھنا سیکھا

میں گِرا نہیں جو اب تک یہ کمالِ مصطفیﷺہے

میری ذات نے نبیﷺ سے ہے سدا سنبھلنا سیکھا

میرا دل بڑا ہی بے حس تھا کبھی نہیں یہ تڑپا

سُنی نعت جب نبیﷺکی تو یہ دل مچلنا سیکھا

میں تلاش میں تھا رب کی کہاں ڈھونڈتا میں اُس کو

لیا نام جب نبیﷺ کا تو خدا سے ملنا سیکھا

میں رہا خلِش مظفرؔدرِ پاک مصطفیﷺ پر

میرے جذبِ عاشقی نے کہاں گھر بدلنا سیکھا

شاعر : خلِش مظفر

Kabay Ke Badruduja Tum Pe Karodo'n Durood Lyrics - Urdu Kalam e Aala Hazrat

 

کعبہ کے بَدرالدُّجی تم پہ کروڑوں درود

طیبہ کے شمس الضحی تم پہ کروڑوں درود

شافعِ روزِ جزاتم پہ کروڑوں درود

دافعِ جملہ بلا تم پہ کروڑوں درود

جان و دلِ اَصفیاتم پہ کروڑوں درود

آب و گِلِ اَنبیا تم پہ کروڑوں درود

لائیں تو یہ دُوسرا دَوسَراجس کو ملا

کُوشکِ عرش و دَنٰی تم پہ کروڑوں درود

اور کوئی غیب کیا تم سے نہاں ہو بھلا

جب نہ خدا ہی چھپا تم پہ کروڑوں درود

طور پہ جو شمع تھا چاند تھا ساعیر کا

نَیّرِ فاراں ہوا تم پہ کروڑوں درود

دل کرو ٹھنڈا مِرا وہ کفِ پا چاند سا

سینہ پہ رکھ دو ذرا تم پہ کروڑوں درود

ذات ہوئی انتخاب وَصف ہوئے لاجواب

نام ہوا مصطفےٰتم پہ کروڑوں درود

غایَت و عِلَّت سبب بہرِجہاں تم ہو سب

تم سے بَنا تم بِنا تم پہ کروڑوں درود

تم سے جہاں کی حیات تم سے جہاں کا ثَبات

اصل سے ہے ظِلّ بندھا تم پہ کروڑوں درود

مَغز ہو تم اور پُوست اور ہیں باہر کے دوست

تم ہو دَرُونِ سَرا تم پہ کروڑوں درود

کیا ہیں جو بیحد ہیں لَوث تم تو ہو غَیث اور غوث

چھینٹے میں ہوگا بھلا تم پہ کروڑوں درود

تم ہو حفیظ و مُغِیث کیا ہے وہ دشمن خبیث

تم ہوتو پھر خوف کیا تم پہ کروڑوں درود

وہ شبِ معراج راج وہ صفِ محشر کا تاج

کوئی بھی ایسا ہوا تم پہ کروڑوں درود

نُحْتَ فَلا  َحَ الْفَلاحْ رُحْتَ فَرَاحَ الْمَرَاحْ

عُدْلِیَعُوْدَالْھَنَا تم پہ کروڑوں درود

جان و جہانِ مسیح داد کہ دل ہے جَریح

نبضیں چھٹیں دم چلا تم پہ کروڑوں درود

اُف وہ رہِ سَنگلاخ آہ یہ پا شاخ شاخ

اے مرے مشکل کُشا تم پہ کروڑوں درود

تم سے کھلا بابِ جُودتم سے ہے سب کا وُجود

تم سے ہے سب کی بقا تم پہ کروڑوں درود

خستہ ہوں اور تم مَعاذ بستہ ہوں اور تم مَلاذ

آگے جو شَہ کی رضا تم پہ کروڑوں درود

گرچہ ہیں بے حد قصور تم ہو عَفُوّوغَفور

بخش دو جُرم و خطا تم پہ کروڑوں درود

مِہرِ خدا نور نور دل ہے سِیَہ دن ہے دُور

شب میں کرو چاندنا تم پہ کروڑوں درود

تم ہو شہیدو بَصیر اور میں گُنَہ پر دلیر

کھول دو چشمِ حیا تم پہ کروڑوں درود

چھینٹ تمہاری سحر چھوٹ تمہاری قَمر

دل میں رچا دو ضِیا تم پہ کروڑوں درود

تم سے خدا کا ظُہوراُس سے تمہارا ظُہور

لِمْ ہے یہ وہ اِنْ ہوا تم پہ کروڑوں درود

بے ہنر و بے تمیز کس کو ہوئے ہیں عزیز

ایک تمہارے سوا تم پہ کروڑوں درود

آس ہے کوئی نہ پاس ایک تمہاری ہے آس

بس ہے یہی آسرا تم پہ کروڑوں درود

طارمِ اعلیٰ کا عرش جس کفِ پا کا ہے فرش

آنکھوں پہ رکھ دو ذرا تم پہ کروڑوں درود

کہنے کو ہیں عام و خاص ایک تمہیں ہو خَلاص

بند سے کردو رہا تم پہ کروڑوں درود

تم ہو شِفائے مَرض خَلقِ خدا خود غَرض

خلق کی حاجت بھی کیا تم پہ کروڑوں درود

آہ وہ راہِ صراط بندوں کی کتنی بِساط

الْمَدد اے رہنما تم پہ کروڑوں درود

بے ادب و بد لِحاظ کر نہ سکا کچھ حِفاظ

عَفْو پہ بھولا رہا تم پہ کروڑوں درود

لوتہِ دامن کہ شمع جھونکوں میں ہے روزِ جمع

آندھیوں سے حشر اُٹھا تم پہ کروڑوں درود

سینہ کہ ہے داغ داغ کہہ دو کرے باغ باغ

طیبہ سے آکر صبا تم پہ کروڑوں درود

گیْسُو و قَد لام اَلف کردو بلا مُنْصَرِف

لا کے تہِ تِیغِ لَا تم پہ کروڑوں درود

تم نے بَرَنگِ فلق جَیْبِ جہاں کرکے شَق

نور کا تڑکا کیا تم پہ کروڑوں درود

نَوبَتِ در ہیں فَلک خادمِ در ہیں مَلک

تم ہو جہاں بادشا تم پہ کروڑوں درود

خلق تمہاری جمیل خُلق تمہارا جَلیل

خَلق تمہاری گدا تم پہ کروڑوں درود

طیبہ کے ماہِ تمام جُملہ رُسُل کے امام

نَوشہِ مَلکِ خدا تم پہ کروڑوں درود

تم سے جہاں کا نظام تم پہ کروڑوں سلام

تم پہ کروڑوں ثنا تم پہ کروڑوں درود

تم ہو جَواد و کریم تم ہو رَؤف و رَحیم 

بھیک ہو داتا عطا تم پہ کروڑوں درود

خَلق کے حاکم ہو تم رزق کے قاسم ہو تم

تم سے ملا جو ملا تم پہ کروڑوں درود

نافع و دافع ہو تم شافع ورافع ہو تم

تم سے بس اَفزوں خدا تم پہ کروڑوں درود

شافی و نافی ہو تم کافی و وافی ہو تم

درد کو کردو دوا تم پہ کروڑوں درود

جائیں نہ جب تک غلام خُلد ہے سب پر حرام 

ملک تو ہے آپ کا تم پہ کروڑوں درود

مَظہَرِ حق ہو تمہیں مُظہِرِ حق ہو تمہیں

تم میں ہے ظاہر خدا تم پہ کروڑوں درود

زور دِہِ نا رَساں تکیہ کَہِ بے کَساں

بادشہِ ماوَرا تم پہ کروڑوں درود

برسے کرم کی بھرن پھولیں نِعَم کے چمن

ایسی چلادو ہوا تم پہ کروڑوں درود

اک طرف اَعدائے دیں ایک طرف حاسدیں

بندہ ہے تنہا شہا تم پہ کروڑوں درود

کیوں کہوں بیکس ہوں میں کیوں کہوں بے بس ہوں میں

تم ہو میں تم پر فدا تم پہ کروڑوں درود

گندے نکمّے کمین مہنگے ہوں کوڑی  کے تین

کون ہمیں پالتا تم پہ کروڑوں درود

باٹ نہ در کے کہیں گھاٹ نہ گھر کے کہیں

ایسے تمہیں پالنا تم پہ کروڑوں درود

ایسوں کو نعمت کھلاؤ دودھ کے شربت پلاؤ

ایسوں کو ایسی غذا تم پہ کروڑوں درود

گرنے کو ہوں روک لو غُوطہ لگے ہاتھ دو

ایسوں پر ایسی عطا تم پہ کروڑوں درود

اپنے خطاواروں کو اپنے ہی دامن میں لو

کون کرے یہ بھلا تم پہ کروڑوں درود

کرکے تمہارے گناہ مانگیں تمہاری پناہ

تم کہو دامن میں آ تم پہ کروڑوں درود

کردو عَدُوّکو تباہ حاسدوں کو رُوبَراہ

اہلِ وِلا کا بھلا تم پہ کروڑوں درود

ہم نے خطا میں نہ کی تم نے عطا میں نہ کی

کوئی کمی سَروَرا تم پہ کروڑوں درود

کام غضب کے کیے اس پہ ہے سرکار سے

بندوں کو چشمِ رضا تم پہ کروڑوں درود

آنکھ عطا کیجیے اس میں ضیا دیجیے

جلوہ قریب آگیا تم پہ کروڑوں درود

کام وہ لے لیجیے تم کو جو راضی کرے

ٹھیک ہو نامِ رضاؔ تم پہ کروڑوں درود

شاعر: اعلیٰ حضرت امام احمد رضا خان

Madina Ki Woh Andekhi Fazayein Yad Aati Hain Lyrics - Urdu

 

مدینہ کی وہ اَن دیکھی فضائیں یاد آتی ہیں

وہ صحرا کے نظارے وہ ہوائیں یاد آتی ہیں

نہیں بُھولے ابھی تک بوذر و صدیق کے قصے 

وہ پیکرصدق کے اُن کی وفائیں یاد آتی ہیں

وہ بارش پتھروں کی مکہ وطائف کی گلیوں میں

ستم لوگوں کے آقا ﷺ کی دعائیں یاد آتی ہیں

تحائف سے اسیروں کو بھی اک اعزاز بخشا ہے

وہ سر پر بنتِ حاتم کی رِدائیں یاد آتی ہیں

تمنا یہ کہ کانٹوں کی جگہ بھی پھول کِھل جائیں

حرا کے غار کی وہ التجائیں یاد آتی ہیں

میں اقدس جب شفیع المذنبیں کی نعت پڑھتا ہُوں

معاصی یاد آتے ہیں خطائیں یاد آتی ہیں

Ki Ki Na Kita Yar Ne Ik Yar Wastay Lyrics - Punjabi

 

 کی کی نہ کیتا یارنے اک یار واسطے

رب محفلاں سجائیاں نیں سرکار ﷺ واسطے

دل یاد لئی بنایا اے تعریف لئی زباں

اکھیاں بنائیاں سوہنے دے دیدار واسطے

کئیاں نوں روز ہوندے نیں دیدار آپ ﷺ دے

کئی تڑپدے نیں سوہنے دے دیدار واسطے

صدقہ نبی دی آل دا بخشے خدا شفا

منگو دعاواں میرے جئے بیمار واسطے

رحمت اوہدی نے لَے لیا اپنی پناہ وچ

پائے جدوں میں سوہنے نوں دوچار واسطے

اللہ نے فرشاں عرشاں تے لائیاں جو رونقاں

کھیڈاں رچائیاں سوہنے دے سب پیار واسطے

سَد لَے مدینے والیا اونہاں نوں ہُن تے کول

عرضاں جنہاں نیں کیتیاں دربار واسطے

لنگھ گئی حیاتی ساڈی تے عرضاں کریندیاں

پئے تڑپدے آں سوہنے دے دیدار واسطے

گزرے نیازیؔ زندگی سوہنے دے عشق وچ

نعتاں میں پڑھدا راں مٹھے منٹھار واسطے

شاعر: عبدالستار نیازیؔ

Kya Shan Hai Teri Salle Ala Ya Abdul Qadir Jilani Lyrics - Urdu Manqabat Ghouse Azam

 

 کیا شان ہے تیری صلِّ علیٰ یا عبدالقادر جیلانی

تُو نورِ نبی ﷺ تُو نورِ خدا یا عبدالقادر جیلانی

ہے ورد یہی اب صبح و مسایا عبدالقادر جیلانی

کیا نام ہے تیرا نام خدا یاعبدالقادر جیلانی

جب آپ کا دامن تھام لیا یاعبدالقادر جیلانی

خالی نہ رہا دامانِ دعا یاعبدالقادر جیلانی

کس در پہ جھکائیں سر اپنا ہم کس کو سنائیں حال اپنا

ہے کون ہمارا تیرے سوا یاعبدالقادر جیلانی

ہوں گرچہ سراپا جرم و خطا ہے لاج تمہارے ہاتھ شہا

ہوں آپ کے در کا میں کتا یاعبدالقادر جیلانی

کونین پہ تیرا قبضہ ہے ہر جا تیرا سکّہ چلتا ہے

ہیں مِلک میں تیری ارض و سمایاعبدالقادر جیلانی

جو در پہ تیرے آجاتا ہے وہ دل کی مرادیں پاتا ہے

تُو سجرِ کرم ہے کانِ سخا یاعبدالقادر جیلانی

جب حشر میں جاؤں پیش خدا ہو ہاتھ میرا دامن تیرا

مقبول ہو میری اتنی دعا یاعبدالقادر جیلانی

جو تیرا کھاتا پیتا ہو جو تیرے سہارے جیتا ہو

وہ کس کو پکارے تیرے سوا یاعبدالقادر جیلانی

جو دل کی خواہش ہوتی ہے وہ فوراً ہی بَر آتی ہے

یہ آپ کے در کا ہے صدقہ یاعبدالقادر جیلانی

ولیوں کے ہے سرپہ قدم جس کا چوروں کے جو دے ابدال بنا

ہے ایسا کون تمہارے سوا یاعبدالقادر جیلانی

طغیانی عصیاں کے آگے کمزور ہے لنگر توبہ کا

کشتی کو بچانا بہرِ خدا یاعبدالقادر جیلانی

جو آپ کے در کا بندہ ہو گھر اور نہ ہوکوئی جس کا

بغداد سے کیوں ہو دُور پڑایاعبدالقادر جیلانی

اللہ نے سب قدرت دی ہے قادر کے ہو تم قادر بندے

قسمت کو بنادو میری ذرا یاعبدالقادر جیلانی

کمزور سمجھ کر دنیا میں اغیار دباتے ہیں ہم کو

کچھ پاس تو کیجئے اپنوں کا یاعبدالقادر جیلانی

میں شو مئیِ قسمت کا ماراگردابِ ہوس میں سخت پھنسا

اب غرق ہوا اب غرق ہوا یاعبدالقادر جیلانی

مشتاق درِ اقدس پہ کھڑا رو رو کے یہی دیتا ہے صدا

سب بخش دو میرے جرم و خطا یاعبدالقادر جیلانی

شاعر: سید غلام معین الدین شاہ المعروف لالہ جی رحمتہ اللہ علیہ

Ki Si Je Dard Ban Ke Aa Jando'n Lyrics - Urdu

 

کی سی جے درد بن کے آجاندوں

میرے لُوں لُوں دے وِچ سما جاندوں

حُسن دی سلطنت دیا شاہا

ساڈی بستی وی پھیرا پا جاندوں

نیویاں نظراں کرکے لنگھ چلئیں

گل نہ کردوں نظر تے پا جاندوں

کی کراں کالی رات نہیں مُکدی

تُوں جے اوندوں تے دن چڑھا جاندوں

کی خبر سی میں خبرے نہ مَردا 

جیوندیاں جیوندیاں جے آجاندوں

جیویں ہستی مٹائی اعظم دی

حسرتاں وی کدی مٹا جاندوں

شاعر: محمد اعظم چشتی

Huzoor Ajiz Nikammay Aye Qubool Howay Salam Aqa Lyrics - Punjabi Salam

 

 حضور عاجز نکمّے آئے قبول ہووے سلام آقا ﷺ

سلام دو جگ دے تاجدارا سلام خیرالانام آقا ﷺ

نہ مانڑ زَر دا نہ عقلاں شکلاں  نہ  آرزو دا سلیقہ کوئی

دوبارہ آونڑ دی آس لَے کے کھڑے ہاں در تے غلام آقا ﷺ

اساں گنہگار گندیاں مندیاں نوں روز محشر تیرا سہارا

غلاماں نوں یاد  رَکھنڑاں جس دم پلاؤ کوثر دے جام آقا ﷺ

تیرے سوا تیری بارگاہ وچ اساں نکمیاں نوں کونڑ جانڑے

اتھے تے جبریل ورگےکردے غلامیاں صبح و شام آقا ﷺ

تیرے دَوارے توں ہٹ کے شاہا سجنؔ نوں مَنگنڑ  دا وَل نئیں اوندا

میں آل تیری داہاں گداگر حضور منگتا نئیں عام آقا ﷺ

شاعر: محمد علی سجن

Madine Ka Mein Mangta Hu Karam Sarkar Farmayein Lyrics - Urdu

 

 مدینے کا میں منگتا ہُوں کرم سرکار ﷺ فرمائیں

درِ عالی پہ آیا ہُوں کرم سرکار ﷺ فرمائیں

کسی بھی ہمسفر کی اب ضرورت ہی نہیں باقی

میں تنہا گھر سے نکلا ہُوں کرم سرکار ﷺ فرمائیں

کہاں جائے گی طیبہ کے سوا معلوم تھا مجھکو

ہوا کے سنگ اُترا ہُوں کرم سرکار ﷺفرمائیں

قدم بوسی کا مجھکو پھر شرف بخشیں میرے آقا ﷺ

غبارِ راہِ طیبہ ہُوں کرم سرکار ﷺ فرمائیں

جوارِ گنبدِ خضرا میں اُڑنے کی اجازت دیں

میں اک زخمی پرندہ ہُوں کرم سرکار ﷺ فرمائیں

میرے کاغذ کی کشتی آج بھی گیلی کی گیلی ہے

سمندر پار رہتا ہُوں کرم سرکار ﷺ فرمائیں

مجھے پہچان لیتے ہیں در ودیوار طیبہ کے

بڑاسادہ سا چہرہ ہُوں کرم سرکار ﷺ فرمائیں

سنہری جالیوں کے سامنے آنسو نہیں تھمتے

میں کب سے دست بستا ہُوں کرم سرکار ﷺ فرمائیں

مدینے کی ہواؤں میں مدینے کی فضاؤں میں

میں آنسو بن کے ٹھہرا ہُوں کرم سرکار ﷺ فرمائیں

خطاؤں سے ہے آلودہ میری آنکھوں کی بینائی

میں شامِ غم کا نوحہ ہُوں کرم سرکار ﷺ فرمائیں

مُواجہہ کی دعاؤں میں ہزاروں التجاؤں میں

میں ساری رات روتا ہُوں کرم سرکار ﷺ فرمائیں

ہزاروں ٹھوکریں کھاکر گزر گاہِ حوادِث میں

بڑی مشکل سے پہنچا ہُوں کرم سرکار ﷺ فرمائیں

نبی ﷺ جی آپ کے قدموں میں رہنے کی تمنا ہے

ہوا کا ایک جھونکا ہُوں کرم سرکارﷺ فرمائیں

ریاضِؔ مضطرب کو چادرِ رحمت عطا کیجے

بَرَہنہ سر میں بیٹھا ہُوں کرم سرکار ﷺ فرمائیں

شاعر: ریاض حسین چوہدری رحمتہ اللہ علیہ

Aj Da Adam Zad Main Evain Lyrics - Punjabi

 

 اج دا آدم زاد میں اِیویں کُوکاں تے کُرلاواں

سَت اسماناں سَت زمیناں تے اُنہاں دیاں چھاواں

ہِک پاسے سرکار ﷺ دی شفقت سب توں اُچی سچی

ہِک پاسے ہونڑ ارباں کھرباں بھانویں سَکیاں ماواں

جِِنیں قدم مبارک چُمّے کرماں والی مٹی

اج وی خوشبو دے نال مہکن او رستے او راہوں

کَداں تُہاڈا قاصد آکے دستک دل تے دئے گا

ادھی راتی گھر دے اندر لُک لُک نِیر وَہاواں

میرے پیری سَنگل پاکے ہَسدے رہن کُپَتے

اذنِ حضوری بخشو مینوں میں آواں تے جاواں

تخت نہ مَنگاں تاج نہ مَنگاں نہ مَنگاں میں ہیرے

حشر دیہاڑے آلِ نبیﷺ دا میں نوکر کہلاواں

شاعر: ریاض حسین چوہدری رحمتہ اللہ علیہ

Ya Rab Mere Watan Ki Hawao'n Ki Khair Ho Lyrics - Urdu Dua

 

 

یارب! مرے وطن کی ہواؤں کی خیر ہو

شہروں کی، بستیوں کی، گراؤں کی خیر ہو

اہلِ وطن کے لب پہ کھلیں عافیت کے پھول

ٹوٹے ہوئے دلوں کی صداؤں کی خیر ہو

سر پر سلامتی کی فضا تا ابد رہے

آقائے محتشمؐ کے گداؤں کی خیر ہو

امن و اماں کے چاند زمیں سے اگیں ہزار

ہر ہر افق پہ کالی گھٹاؤں کی خیر ہو

اٹھے ہوئے ہیں ہاتھ تری بارگاہ میں

معصوم بچیوں کی دعاؤں کی خیر ہو

ہر قصرِ آرزو میں سدا روشنی رہے

سہمی ہوئی سبھی کی نداؤں کی خیر ہو

شب خون آمروں کے پڑے تخت و تاج پر

جمہوریت کی سبز عباؤں کی خیر ہو

اس پاک سر زمیں سے اٹھا ہے مرا خمیر

اس پاک سرزمیں کی فضاؤں کی خیر ہو

جلتے رہیں چراغ منڈیروں پہ حشر تک

ارضِ وطن سے میری وفاؤں کی خیر ہو

میرا وطن بھی ارضِ محمدؐ ہے یاخدا!

میرے لبوں پہ میری نواؤں کی خیر ہو

یارب! ضعیف ماں کی دعاؤں کی لاج رکھ

میرے تمام گوٹھ گراؤں کی خیر ہو

بیٹوں کی راہ دیکھتی رہتی ہیں رات دن

اشکوں میں بھیگتی ہوئی ماؤں کی خیر ہو

میرے قلم نے اشک سمیٹے ہیں آج بھی

مولا! مرے قلم کی صداؤں کی خیر ہو

شاعر: ریاض حسین چوہدری رحمتہ اللہ علیہ