کلام
جی کردا مدینے دیا سائیاں مدینے دیاں ہونڑ گلیاں
کاسا پھڑ کے کراں میں گدائیاں مدینے دیاں ہونڑ گلیاں
کُل عالم توں چنگیاں گلیاں جتھے مدنی نیں لائیاں تلیاں
جنہاں دیاں رب قسماں نیں چائیاں مدینے دیاں ہونڑ گلیاں
ماہی دی نظر رہ جائے سَولی عشق ماہی وچ ہوجاواں جَھلی
اُتھے پِھراں میں وانگ سودائیاں مدینے دیاں ہونڑ گلیاں
یار طبیبو دُور ہٹ جاؤ نبض میری نوں ہتھ نہ لاؤ
مکھ یار دا ساڈیاں دوائیاں مدینے دیاں ہونڑ دیاں گلیاں
آواں کول کرو منظوری اُتھے زندگی ہوجائے پوری
فِر پَینڑ کدی نہ جدائیاں مدینے دیاں ہونڑ گلیاں
کم کراں نال میں شوقاں گلیاں ہنجواں نال تروکاں
کراں پلکاں دے نال صفائیاں مدینے دیاں ہونڑ گلیاں
دُور ماہی توں دُوریاں ہوون دردی آساں پوریاں ہوون
کراں شکر تے ونڈاں میں مٹھائیاں مدینے دیاں ہونڑ گلیاں
No comments:
Post a Comment