Yeh Dil Bhi Hussaini Hai - Lyrics - Urdu Manqabat Imam Hussain

 

 یہ دل بھی حسینی ہے یہ جاں بھی حسینی ہے

الحمد کہ اپنا تو ایماں بھی حسینی ہے

نسلوں سے غلامی کااعزاز میسر ہے

میرا باپ حسینی ہے اور ماں بھی حسینی ہے

گرنے نہیں دیتا ہے کاندھوں سے نواسے کو

لگتا ہے کہ نبیوں کا سُلطاں بھی حسینی ہے

رونق ہے مساجد میں شبیرؓ کے صدقے سے

ممبر بھی حسینی ہے اذاں بھی حسینی ہے

جبریلؑ جُھلاتا ہے حسنینؓ کے جُھولے کو

لگتا ہے کہ آقاؐ کا درباں بھی حسینی ہے