میرے محبوبؐ دا ہمسر کیہڑا سردار ہووے
ملی رب توں جنُہوں لولاک دی دستار ہووے
رحمتہ اللعالمیں دا سوہنڑا سہرا ہے سجایا
ختمِ رُسل دا اے تمغہ میری سرکارؐ نے پایا
سارے نبیاں دا جو بَنڑ کے آیا سالار ہووے
جِدی انگلی دے اشارےجیویں چن توڑ وِکھایا
نالے پتھراں کولوں کلمہ میرے آقاؐ نے پڑھایا
ہووے کونین انگوٹھی روضہ دلبر دا نگینہ
دیندے ملکوت سلامی جتھے سرکارِ مدینہ
اُچی عرشاں کولوں جس جا سُتّا دلدار ہووے
Incomplete
No comments:
Post a Comment