حضور عاجز نکمّے آئے قبول ہووے سلام آقا ﷺ
سلام دو جگ دے تاجدارا سلام خیرالانام آقا ﷺ
نہ مانڑ زَر دا نہ عقلاں شکلاں نہ آرزو دا سلیقہ کوئی
دوبارہ آونڑ دی آس لَے کے کھڑے ہاں در تے غلام آقا ﷺ
اساں گنہگار گندیاں مندیاں نوں روز محشر تیرا سہارا
غلاماں نوں یاد رَکھنڑاں جس دم پلاؤ کوثر دے جام آقا ﷺ
تیرے سوا تیری بارگاہ وچ اساں نکمیاں نوں کونڑ جانڑے
اتھے تے جبریل ورگےکردے غلامیاں صبح و شام آقا ﷺ
تیرے دَوارے توں ہٹ کے شاہا سجنؔ نوں مَنگنڑ دا وَل نئیں اوندا
میں آل تیری داہاں گداگر حضور منگتا نئیں عام آقا ﷺ
شاعر: محمد علی سجن
No comments:
Post a Comment