Madiney Se Bulawa Aa Raha Hai Lyrics - Urdu

 

مدینے سے بلاوا آرہا ہے

میرا دل مجھ سے پہلے جا رہا ہے

یہاں مرضی نہیں چلتی کسی کی

مدینےوالا ہی بُلوا رہا ہے

شبِ فُرقت سے دل گھبرا رہا ہے

مدینہ آپ کا یاد آ رہا ہے

عجب ہیں سبز گنبد کے نظارے

نگاہوں کو خدا یاد آ رہا ہے

میرا دل بھی تُو اپنے ساتھ لے جا

اکیلا کیوں مدینے جا رہا ہے

نواسوں کا وہ صدقہ بانٹتے ہیں

زمانہ اُن کا صدقہ کھا رہا ہے

یہ چکی سیّدہ کی چل رہی ہے

زمانہ جتنا لنگر کھا رہا ہے

سواری حشرمیں گزری ہے کس کی

سرِ انساں جُھکایا جا رہا ہے

کہیں گے مصطفی قدموں سے لگ جا

درِ زہرا سے ہوکر آ رہا ہے

ثنائے سیّدہ آیات میں خود

خدائے لم یزل فرما رہا ہے

ذبیبِ بے نوا، زہرا کے صدقے

زمانے بھر میں عزت پا رہا ہے