کی سی جے درد بن کے آجاندوں
میرے لُوں لُوں دے وِچ سما جاندوں
حُسن دی سلطنت دیا شاہا
ساڈی بستی وی پھیرا پا جاندوں
نیویاں نظراں کرکے لنگھ چلئیں
گل نہ کردوں نظر تے پا جاندوں
کی کراں کالی رات نہیں مُکدی
تُوں جے اوندوں تے دن چڑھا جاندوں
کی خبر سی میں خبرے نہ مَردا
جیوندیاں جیوندیاں جے آجاندوں
جیویں ہستی مٹائی اعظم دی
حسرتاں وی کدی مٹا جاندوں
شاعر: محمد اعظم چشتی
No comments:
Post a Comment