ایہہ کون آیا جِدھے آیاں بہاراں مُسکرا پیّاں
کِھڑے نیں پُھل تے کلیاں ہزاراں مُسکرا پیّاں
بڑی خوش بخت سی ڈاچی سواری کملی والے دی
حلیمہ ہتھ جَد پھڑیاں مُہاراں مُسکرا پیّاں
ہمیشہ جیہڑیاں محروم سن قربت دی لذت توں
قدم رکھیا نبیﷺسوہنے تے غاراں مُسکرا پیّاں
کھڑے سن منتظر سارے نبی اقصیٰ دی مسجد وِچ
امام الانبیا آئے قطاراں مُسکرا پیّاں
پِچھاں جبریل سدرہ تے کھڑا حیران ہوندا سی
اَگاں لنگھیا نبیﷺ تے رہگذراں مُسکرا پیّاں
ظہوریؔ بیکساں نے شکر دے سجدے ادا کیتے
ازل توں غمزدہ سوچاں وچاراں مُسکرا پیّاں
شاعر: محمد علی ظہوری رحمتہ اللہ علیہ
No comments:
Post a Comment