دنیا تے آیا کوئی تیری نہ مثال دا
لَبھ کے لیاواں کِتھوں سوہنا تیرے نال دا
سوہنیا درود بھیجے رَب تیری ذات نوں مُکھ تیرا نور وَنڈے ساری کائنات نوں
شیدا اے زمانہ تیرے حُسن و جمال دا
مکّے رہن والیا مدینے آون والیا ٹھیڈے کھان والیاں نوں سینے لاون والیا
تیرے بناں ڈِگیا ں نوں کوئی نہ سنبھال دا
تیریاں تے صفتاں دا کوئی وی حساب نئیں توں تے کِتھے تیریاں غلاماں دا جواب نئیں
حُوراں تائیں رُوپ ونڈیں حبشی بلال دا
ہوکا پیّا دیوے تیرے سچیاں پیاراں دا جیوندا اے ظہوریؔ ناں لَے کے تیرے یاراں دا
گولا اے تیرا تیرے در تیری آل دا
شاعر: محمد علی ظہوری رحمتہ اللہ علیہ
No comments:
Post a Comment