Khuda Ka Zikr Kare Zikr e Mustafa Na Kare - Urdu Naat

 

خدا کا ذکر کرے ذکرمصطفی      ؐنہ کرے

ہمارے منہ میں ہو ایسی زباں خدا  نہ کرے 

درِ رسولؐ پہ ایسا کبھی نہیں دیکھا

کوئی سوال کرے اور وہ عطا نہ کرے

مدینہ جا کے نکلنا نہ شہر سے باہر

خدا نخواستہ یہ زندگی وفا نہ کرے

نبیؐ کے قدموں پہ جس دم غلام کا سر ہو

قضا سے کہہ دوکہ اک لمحہ بھی قضا نہ کرے

اسیر جس کو بنا کر رکھیں مدینے میں

تمام عمر رہائی کی وہ دعا نہ کرے

کہا خدا نے شفاعت کی بات محشر میں

میرا حبیبؐ کرے کوئی دوسرا نہ کرے

شعورِ نعت بھی ہو اور زبان بھی ہو ادیبؔ

وہ آدمی نہیں جو ان کا حق ادا نہ کرے

شاعر: ادیب رائے پوری