او آجاون میرے ویہڑے ایہو منگدا دعا بیٹھاں
اُنہاں لنگڑاں ہے اس رستے میں تائیں گھر نوں سجا بیٹھاں
تیرے کوُچے دوا میری تیرے ہتھ وچ شفا میری
میں نبضاں تَیں کولوں پہلے ہزاراں نوں وکھا نوں بیٹھاں
مینوں دنیا مریندی اے مینوں نیواں جنڑیندی اے
بچا لئیں غم دے مارے نوں تیرے در تے میں آبیٹھاں
اے نانا ویکھ لو آکے نواسے دی سخاوت نوں
تُسی اکبر دا پُچھدے او میں اصغر وی لُٹا بیٹھاں
قبر تے حشر وچ حاکم مینوں قُدسی پئے لبھدے نیں
نبیؐ دی نعت اِنہاں نوں میں ہِک واری سُنڑا بیٹھاں
شاعر: احمد علی حاکم
No comments:
Post a Comment