Dil Jis Se Zinda Hai Lyrics - Urdu

 

 دل جس سے زندہ ہے وہ تمنّا تمہی تو ہو

ہم جس میں بس رہے ہیں وہ دنیا تمہی تو ہو

پُھوٹا جو سینہءِ شبِ تارِاَلست سے

اُس نورِ اولیں کا اُجالا تمہی تو ہو

جلتے ہیں جبرائیلؑ کے پَرجس مقام پر

اُس کی حقیقتوں کے شناسا تمہی تو ہو

سب کچھ تمہارے واسطے پیدا کیا گیا

سب غائیتوں کی غائیتِ اُولیٰ تمہی تو ہو

دنیا میں رحمتِ دوجہاں اور کون ہے

اے تاجدارِ یثرب و بطحا تمہی تو ہو

شاعر: مولانا ظفر علی خان