اج دا آدم زاد میں اِیویں کُوکاں تے کُرلاواں
سَت اسماناں سَت زمیناں تے اُنہاں دیاں چھاواں
ہِک پاسے سرکار ﷺ دی شفقت سب توں اُچی سچی
ہِک پاسے ہونڑ ارباں کھرباں بھانویں سَکیاں ماواں
جِِنیں قدم مبارک چُمّے کرماں والی مٹی
اج وی خوشبو دے نال مہکن او رستے او راہوں
کَداں تُہاڈا قاصد آکے دستک دل تے دئے گا
ادھی راتی گھر دے اندر لُک لُک نِیر وَہاواں
میرے پیری سَنگل پاکے ہَسدے رہن کُپَتے
اذنِ حضوری بخشو مینوں میں آواں تے جاواں
تخت نہ مَنگاں تاج نہ مَنگاں نہ مَنگاں میں ہیرے
حشر دیہاڑے آلِ نبیﷺ دا میں نوکر کہلاواں
شاعر: ریاض حسین چوہدری رحمتہ اللہ علیہ
No comments:
Post a Comment