میرا حسینؓ باغِ نبوت کا پھول ہے
حیدرؓ کی اس میں جان ہےخونِ بتولؓ ہے
تُو ان کے در سے مانگ لےجو کچھ بھی جی کرے
مالک سبھی جہان کی آلِ رسولؐ ہے
گزرا جہاں جہاں سے نواسہ رسول ؐ کا
اب تک وہاں خدا کے کرم کا نزول ہے
ایسی عظیم ذات ہے مولا حسینؓ کی
جس کیلئے حضورؐ کے سجدوں میں طول ہے
دنیا میں اور کون ہے شبیرؓ کے سوا
ایسا سوار جس کی سواری رسولؐ ہے
جس کیلئے یزید نے اتنے ستم کیے
وہ تاج تو حسینؓ کے قدموں کی دُھول ہے
No comments:
Post a Comment