Nigah e Lutf K Umeedwar Hum Bhi Hain Lyrics - Urdu

 

 

نگاہِ لطف کے امیدوار ہم بھی ہیں

لیے ہوئے تو دلِ بے قرار ہم بھی ہیں

ہمارے دستِ تمنا کی لاج بھی رکھنا

تیرے فقیروں میں اے شہریار ہم بھی ہیں

اِدھر بھی تَوسَنِ اقدس کےدو قدم جلوے

تمہاری راہ میں مُشتِ غُبار ہم بھی ہیں

کھلا دو غنچۂ دل صدقہ بادِ دامن کا

امیدوارِ نسیمِ بہار ہم بھی ہیں

تمہاری ایک نگاہ ِ کرم میں سب کچھ ہے

پڑے ہوئےتو سرِ راہ گزار ہم بھی ہیں

جو سر پہ رکھنے کو مل جائے نعلِ پاکِ حضورؐ

تو پھر کہیں گےکہ ہاں تاجدار ہم بھی ہیں

یہ کس شہنشہِ والا کا صدقہ بٹتا ہے

کہ خُسروؤں میں پڑی ہے پکار ہم بھی ہیں

ہماری بگڑی بنی اُن کے اختیار میں ہے

سپرد انہیں کے ہیں سب کاروبار ہم بھی ہیں

حسنؔ ہے جن کی سخاوت کی دُھوم عالم میں

انہیں کے تم بھی ہو اک ریزہ خوار ہم بھی ہیں

شاعر: حضرت علامہ مولانا حسن رضا خانؒ