اُس نگری نُوں کوہِ طُور آکھو جہدے وچ سجناں دا پھیرا اے
اوہ دل وی عرشِ معلّٰی اے جیہڑے دل وچ یار دا ڈیرا اے
تُساں سانوں مُکھ وِکھلاوناں نہیں اساں دید بِناں ایتھو جاوناں نہیں
اساں نِت نِت جگ تے آونا نہیں ساڈا جوگیاں والاپھیرا اے
جیہڑے عشق تیرے نے چُور کیتے تیرے نیناں نے مخمور کیتے
اونھاں دل دنیا توں دُور کیتے اونھاں بُھل گیا میرا تیرا اے
نہ عِلماں وچ پَھسا سانوں کوئی یار دی گَل سُنا سانوں
اوتھے عِلم دا سِکّہ نہیں چلدا جتھے عشق ہُراں دا ڈیرا اے
میری آس اُمید دی دنیا وچ تیری یاد دا دِیوا بَلدا اے
اے محبُوباں دیا محبُوبا ایہہ سارا ای چانن تیرا اے
چل اعظمؔ اوتھے چل وسیّےجتھّے یار دا اونا جانا اے
اُس بستی دے وچ رہنا کیہ جتھّے سجناں باہجھ ہنیرا اے
شاعر: اعظم چشتی
No comments:
Post a Comment