Ya Nabi Salam Alayka Lyrics | Urdu Salam

 

 

یانبیؐ سلام علیکَ،یارسول سلام علیکَ

یاحبیب سلام علیکَ،صلوۃاللہ علیکَ

فخرِ آدمؑ فخرِ حوّا،فخرِ نوحؑ و فخرِ یحیےٰؑ

فخرِ ابراہیم و موسیٰ،فخرِ اسمٰعیل و عیسےٰؑ

یانبیؐ سلام علیکَ،یارسول سلام علیکَ

یاحبیب سلام علیکَ،صلوۃاللہ علیکَ

رحمتوں کے تاج والے،دو جہاں کے راج والے

عرش کی معراج والے،عاصیوں کی لاج والے

یانبیؐ سلام علیکَ،یارسول سلام علیکَ

یاحبیب سلام علیکَ،صلوۃاللہ علیکَ

ہے یہ حسرت در پہ آئیں،اشک کے دریا بہائیں

داغ سینے کے دکھائیں،سامنے ہوکر سنائیں

یانبیؐ سلام علیکَ،یارسول سلام علیکَ

یاحبیب سلام علیکَ،صلوۃاللہ علیکَ

پوری یاربّ یہ دعا ہو،ہم درِ مولےٰ پہ جاکر

پہلے کچھ نعتیں سناکر،یہ پڑھیں سر کوجھکا کر

یانبیؐ سلام علیکَ،یارسول سلام علیکَ

یاحبیب سلام علیکَ،صلوۃاللہ علیکَ

بخش دو جو چیز چاہو،کیونکہ محبوبِ خدا ہو

اب تو باب جو دوا ہو،ہاں جواب اس کا عطا ہو

یانبیؐ سلام علیکَ،یارسول سلام علیکَ

یاحبیب سلام علیکَ،صلوۃاللہ علیکَ

رنج و غم کھائے ہوئے ہیں،دُور سے آئے ہوئے ہیں

تم پہ اترائے ہوئے ہیں،ہاتھ پھیلائے ہوئے ہیں

یانبیؐ سلام علیکَ،یارسول سلام علیکَ

یاحبیب سلام علیکَ،صلوۃاللہ علیکَ

جان کر کافی سہارا،لے لیا ہے در تمہارا

خلق کے وارث خدارا،لو سلام اب تو ہمارا

یانبیؐ سلام علیکَ،یارسول سلام علیکَ

یاحبیب سلام علیکَ،صلوۃاللہ علیکَ

ہاں یہ پورا مدّعا ہو،ہم ہوں دربارِ خدا ہو

تم اُدھر جلوہ نما ہو،اس ترف سے یہ صدا ہو

یانبیؐ سلام علیکَ،یارسول سلام علیکَ

یاحبیب سلام علیکَ،صلوۃاللہ علیکَ

اکبرؔ شیدا تمہارا،پھر رہا ہے مارا مارا

جابجا تم کو پکارا،اس کی اب سن لو خدارا

یانبیؐ سلام علیکَ،یارسول سلام علیکَ

یاحبیب سلام علیکَ،صلوۃاللہ علیکَ

عاشقِ مائل کی سن لو،بانیءِ محفل کی سن لو

سامعیں کے دل کی سن لو،اکبرؔ بسمل کی سن لو

یانبیؐ سلام علیکَ،یارسول سلام علیکَ

یاحبیب سلام علیکَ،صلوۃاللہ علیکَ

آپؐ شاہِ انس و جاں ہیں،وارثِ کون و مکاں ہیں

رہنمائے دو جہاں ہیں،پیشوائے مرسلاں ہیں

یانبیؐ سلام علیکَ،یارسول سلام علیکَ

یاحبیب سلام علیکَ،صلوۃاللہ علیکَ

نورِ ربّ العالمیں ہو،جلوہِ حق الیقیں ہو

سرورِ دنیا و دیں ہو،دل میں آنکھوں میں مکیں ہو

یانبیؐ سلام علیکَ،یارسول سلام علیکَ

یاحبیب سلام علیکَ،صلوۃاللہ علیکَ

بادشاہِ انبیاء ہو،نورِ ذاتِ کبریا ہو

حامی روزِ جزا ہو،خلق کے مشکل کُشا ہو

یانبیؐ سلام علیکَ،یارسول سلام علیکَ

یاحبیب سلام علیکَ،صلوۃاللہ علیکَ

عرشِ اعظم پر تمہیں ہو،خلق کے رہبر تمہیں ہو

ساقیءِ کوثر تمہیں ہو،شافع محشر تمہیں ہو

یانبیؐ سلام علیکَ،یارسول سلام علیکَ

یاحبیب سلام علیکَ،صلوۃاللہ علیکَ

قابلِ مدح و ثناہو،جو لکھوں اس سے سوا ہو

آپؐ کی توصیف کیا ہو،یعنی محبوبِ خدا ہو

یانبیؐ سلام علیکَ،یارسول سلام علیکَ

یاحبیب سلام علیکَ،صلوۃاللہ علیکَ

دُور ہے غم کا کنارا،سرورِ عالم خدارا

دیجئے جلدی سہارا،پار ہو بیڑا ہمارا

یانبیؐ سلام علیکَ،یارسول سلام علیکَ

یاحبیب سلام علیکَ،صلوۃاللہ علیکَ

میرے مولا میرے سرور،ہے یہی ارمانِ اکبرؔ

پہلے قدموں پر رکھے سر،پھر رکھے سر اٹھا کر

یانبیؐ سلام علیکَ،یارسول سلام علیکَ

یاحبیب سلام علیکَ،صلوۃاللہ علیکَ

شاعر: خواجہ محمد اکبروارثی