منقبت
پڑھ تے سہی قرآن دے وچ حوالے نیں
چارے یار نبیؐ دے شاناں والے نیں
شاناں والا پاک صدیق اکبر اے،بعد نبیاں جیہڑا سب توں برتر اے
عرشی فرشی وی جیندے متوالے نیں
چارے یار نبیؐ دے شاناں والے نیں
دنیا سوہنے دے قدماں تے جھک گئی اے،آیا عمر تے عمر کفر دی مُک گئی اے
جیندے آیاں کفر نوں وج گئے تالے نیں
چارے یار نبیؐ دے شاناں والے نیں
ذوالنورین تے جامع قرآن دیاں، شاناں ویکھ تُو حضرت عثمان دیاں
جنت وچ سرکارؐ دے نالے نالے نیں
چارے یار نبیؐ دے شاناں والے نیں
ولیاں دےسردار توں صدقےلکھ واری،حیدرِکرار توں صدقے لکھ واری
دوجگ تے حیدر دے نور اجالے نیں
چارے یار نبیؐ دے شاناں والے نیں
شاہدؔ مرے دل وچ پیار صحابہ دا،نسلاں توں ہاں تابعدار صحابہ دا
جیندے صدقے رب سارے دکھ ٹالے نیں
چارے یار نبیؐ دے شاناں والے نیں
شاعر: شاہد عباس ملک
No comments:
Post a Comment