نعت رسول مقبولؐ
آر دی اےنہ پاردی اے ڈُبے بیڑے تاردی اے گل ساری سرکارؐ دی اے
نبیاں دے سردار دی اے،گل ساری سرکارؐ دی اے
عرشاں فرشاں والی ہر شے
دو جگ دے مختار دی اے
گل ساری سرکارؐ دی اے
زہرا دے بابا دی نسبت
دو جگ اندر تار دی اے
گل ساری سرکارؐ دی اے
نوکری آقاؐ جی دے در دی
اگ دوزخ دی ٹھار دی اے
پُچھو اے صدیق و عمرتوں پُچھو اے عثمان و علی توں
کی لذت دیدار دی اے
گل ساری سرکارؐ دی اے
عاجزؔ نئیں اے کَلَّا کہندا
دنیا نعرے ماردی اے
گل ساری سرکارؐ دی اے
شاعر : حکیم عمران عاجزؔ
No comments:
Post a Comment