Aarzu Tere Dil Mein Hai Agar Madiney Ki Lyrics - Urdu

 

 

آرزو تیرے دل میں ہے اگر مدینے کی

ذکر سُن مدینے کا بات کر مدینے کی

جاں بلب تو ہُوں لیکن اک علاج ممکن ہے

خاک مجھکو لادے گر چارہ گر مدینے کی

گر قبول فرمائیں ساکنانِ شہرِ نبیؐ

میں گدائی کرتا رہوں عمر بھر مدینے کی

حُسنِ شاہِ خُوباں کا عکس ہے مدینے میں

خُلد مجھکو لگتی ہے راہگزر مدینے کی

آپؐ کے پسینے کی ہے مہک ہواؤں میں

اس لیے فضائیں ہیں معتبر مدینے کی

شب کی یورشیں مجھکو اب مٹا نہ پائیں گی

نور میری آنکھوں میں ہے سحر مدینے کی