Sab Toun Sohna Arbi Dhol Lyrics - Punjabi Naat

 

 او سب توں سوہنڑا عربی ڈھول

ہر دم رہندا دل دے کول

وِچ دِلاں دے اُتر جاندے نیں

اُس دے مِٹھڑے مِٹھڑے بول

جے تُو نعت نبیؐ دی پڑھنی

رب دے پاک کلام نوں کھول

Ajeeb Faiz Hai Rubai Lyrics - Urdu

 

عجیب فیض ہے آقاؐ تیری محبت کا

دُرود تجھ پہ پڑھوں اور خود سنور جاؤں

اپنے دامن میں دُرودوں کے سوا کچھ بھی نہیں

لے کے محشر میں  یہی  حُسنِ عمل جائیں گے

اپنے گھر روز دُرودوں کی سجاؤ محفل

دیکھتے دیکھتے حالات بدل جائیں گے

Chor Fikr Dunya Ki Lyrics - Urdu

 

 چھوڑ فکر دنیا کی چل مدینے چلتے ہیں

مصطفی غلاموں کی قسمتیں بدلتے ہیں

رحمتوں کی چادر کے سر پہ سائے چلتے ہیں

مصطفی کے دیوانے گھر سے جب چلتے ہیں

ہم کو روز ملتا ہے صدقہ پیارے آقاؐ کا

اُن کے در کے ٹکڑوں پر خوش نصیب پلتے ہیں

آمنہ کے پیارے کا سبز گنبد والے کا

جشن ہم مناتے ہیں،جلنے والے جلتے ہیں

صرف ساری دنیا میں وہ طیبہ کی گلیاں ہیں

جس جگہ پہ مجھ جیسے کھوٹے سِکے چلتے ہیں

ذکرِ شاہِ بطحہ کو ورد اب بنا لیجے

یہ وہ ذکر ہے جس سے غم خوشی میں ڈھلتے ہیں

نقش کر لے سینے پر نام سرورِ دیں کا

یہ وہ نام ہے جس سے سب عذاب ٹلتے ہیں

اُن کو کیا ضرورت ہے عطر مشک و عنبر کی

خاک جو مدینے کی اپنے تن پہ ملتے ہیں

اے کاش کوئی آکر کہہ دے میرے کانوں میں

چل تجھ کو مدینے میں مصطفی بلاتے ہیں

سچ ہے غیر کا احسان وہ کبھی نہیں لیتے

اے علیم آقاؐ کے جو ٹکڑوں پہ پلتے ہیں

Kab Ka Ruswa - Rubai - Urdu Lyrics

 

رباعی

کب کا رُسوا میرے اعمال مجھے کردیتے

میری قسمت کہ ملا تجھ سا خطا پوش مجھے

بوئے گُل مانگنے آئے میرے ہونٹوں سے مہک

چُومنے کو تیرے مل جائیں جو پاپوش مجھے

Hum Hain Iltija Waley Lyrics - Urdu

 

 

ہم ہیں التجا والے آپؐ ہیں عطا والے

بھیک کچھ عطا کرنا اے میرے سخا والے

چھیڑ نہ ہمیں دنیا ہم ہیں مصطفی والے

سیدُالورا والے شاہِ دوسرا والے

ابنِ مرتضیٰ نے کہا سُن شمر جفا والے

ناناہے نبیؐ اپنا ہم ہیں کربلا والے

میں مریضِ طیبہ ہُوں اُس گلی میں لے جاؤ

ہاں وہی گلی جس کے ذرّے ہیں شفا والے

خود کہا میرے ربّ نے بخش دُوں گا میں سب کو

آئیں یار کے در پر جتنے ہیں خطا والے

مر تو جائیں گے لیکن غیر سے نہ مانگیں گے

آپؐ کے بھکاری تو ہیں بڑی انا والے

وقت کے سلاطیں بھی بھیک لینے آتے ہیں

تاجدار ایسے ہیں یہ خاکِ نقشِ پا والے

مال و زر کی اے الطافؔ کچھ نہیں ہمیں پرواہ

جان بھی لُٹاتے ہیں آدمی وفا والے

شاعر: سید الطاف شاہ کاظمیؔ