سوہنڑا تیرا شجرہ دعوہ اے عُشّاقاں دا
ہاشمی دلدارا تُو لعل ایں پاکاں دا
تیرے در جئی تھاں کوئی نھئی
باپ وی لاثانی ،تیری ماں جئی ماں کوئی نھئی
تیری ماں جئی ماں کوئی نھئی، سوہنڑا تیرا شجرہ
دے ہر اک شے سکدئے
اک ہے علی جیہڑا ،تیری سیج تے سَیں سکدئے
تیری سیج تے سَیں سکدئے،سوہنڑا تیرا شجرہ
ڈنکا اِنج وی تے وجدا اے
اولا آدم دا ،تیرے نور نوں سجدا اے
تیرے نور نوں سجدا اے، سوہنڑا تیرا شجرہ
کعبے دی جزا منگدے
ابراہیم جئے ،تیرے کانڑ دعا منگدے
تیرے کانڑ دعا منگدے،سوہنڑا تیرا شجرہ
رب کرم کمایا اے
عبدالمطلب دا ،گھر آنڑ سجایا اے
گھر آنڑ سجایا اے، سوہنڑا تیرا شجرہ
رب شان ودھائے نیں
ناز ابو طالب ،تیرے ڈھیر اٹھائے نیں
تیرے ڈھیر اٹھائے نیں، سوہنڑا تیرا شجرہ
محبوب یگانہ اے
بابل زہرا دا ،حسنین دا نانا اے
حسنین دا نانا اے،سوہنڑا تیرا شجرہ
بے حد دی حد کوئی نھئی
پاک محمدؐ جئی،کسے ہور دی جد کوئی نھئی
کسے ہور دی جد کوئی نھئی، سوہنڑا تیرا شجرہ
شاعر: احمد علی حاکم
No comments:
Post a Comment