نورِ ازلی چمکیا غائب انھیرا ہوگیا
کملی والا آگیا ہر تھاں سویرا ہو گیا
حشر تک او پاک راہواں سجدہ گاہواں بن گئیاں
جنہاں راہواں تے میرے آقاؐ دا پھیرا ہوگیا
ربّ نوں وی ہو گئی دھرتی بڑی محبوب او
جہڑی تھاں تےاحمدِ مُرسل دا ڈیرہ ہو گیا
فخر سارے نیں بجا سوہنے مدینے پاک دے
عرشِ اعظم تو اُہدا رتبہ اُچیرا ہو گیا
یارسول اللہؐ او کِنے بختاں والے لوگ سَن
جنہاں دی قسمت دے وچ دیدار تیرا ہو گیا
ہوگئی مینوں ظہوریؔ درد دی دولت نصیب
مل گیا اے چین جد دا غم ودھیرا ہو گیا
شاعر: محمد علی ظہوریؔ
No comments:
Post a Comment