مدینے دے نظارے بھالدا اے
میرا دل وی میرے ای نالدا اے
میں پَلاّ پھڑ لیا اے اُس سخی دا
جیہڑا درتوں نہ خالی ٹالدا اے
جے نئیں زندہ ولی قبراں دے اندر
زمانہ ایویں دیوے بالدا اے
کَھلوجا ناں واں طوفاناں دے اگے
مینوں تکیہ میرے لجپال دا اے
او حاضروی اتے ناظر وی ساڈا
نبیؐ جانڑوں اساڈے حال دا اے
مُکا دیندی اے گستاخی نبیؐ دی
اے زنگ اندروں ای اندر گالدا اے
نصیرؔ او چِت نئیں شاہاں تے دھردا
جیہڑا سائل نبیؐ دی آل دا اے
شاعر: پیر سید نصیر الدین نصیر رحمتہ اللہ علیہ