میرے سرکارؐ آئے ہیں،میرے سرکارؐ آئے ہیں
گلستاں مسکرائے ہیں،میرے سرکارؐ آئے ہیں
عنادل گنگنائے ہیں،میرے سرکارؐ آئے ہیں
میرے سرکارؐ آئے ہیں،میرے سرکارؐ آئے ہیں
یہ ذرّے جگمگائے ہیں میرے سرکارؐ آئے ہیں
ستارے جھلملائے ہیں،میرے سرکارؐ آئے ہیں
میرے آقاؐ کی آمد سے بُجھے آتش کدے سارے
سبھی بُت ڈگمگائے ہیں،میرے سرکارؐ آئے ہیں
نظارے ہی نظارے ہیں سماں ہے جشن کا ہر سُو
گلی کوچے سجائے ہیں،میرے سرکارؐ آئے ہیں
نبیؐ کے سب ہی دیوانے چلے آئے ہیں محفل میں
سبھی جھنڈے اٹھائے ہیں،میرے سرکارؐ آئے ہیں
کوئی پوچھے کہاں ہیں وہ تو کہہ دو اے سعید اُس کو
میرے دل میں سمائے ہیں،میرے سرکارؐ آئے ہیں